堅持不懈 何六記

四十多年的經營，雜貨店何六記由當年大牌檔的一角，為求守護老顧客搬到水街自成一角，見證著西營盤多年的轉變。店內沒有盒裝的雞蛋，讓紅色的燈罩和懸吊的燈泡發揮了平民的智慧，務求為西營盤的街坊嚴選新鮮的雞蛋。

大財團壟斷

「依家大集團壟斷，生意好難做。更何況西營盤地鐵開通之後，人流都兩邊走，我間店唔喺地鐵站附近，依家到呢邊來嘅人都少咗。」何先生說租金上漲對附近店舖的經營壓力大大增加。「租金絕對有好大影響，你睇附近店舖都已經關閉就知道啦！第三街基本上都空咗兩年，業主唔會考慮呢一點，佢哋都以為有地鐵就可以帶旺成區，其實只係近地鐵站嗰一、兩條街嘅店舖比較有幫助。」作為產品的分銷，何先生因待遇不公而大吐不快。「以前一啲產品係包收包換嘅，但自從二十年前一啲行業龍頭帶起，佢哋貨品到咗就要即時驗貨。但我哋收貨唔可能所有都驗清驗楚，所以交收之後有壞都換唔到貨，只有大型超市先可以咁做。」

 經營環境困難

「其實我有考慮過轉行噶。依家有最低工資，我每日長時間工作，以時薪嚟計我嘅收入可能連最低工資都不到。依家年輕人都出街食，唔會喺屋企煮飯，基本上唔需要買呢啲柴米油鹽……仲有就係破險基金，係當年一啲酒樓倒閉，怕僱主違約唔俾員工工資，先有呢一條條例。我唔係話政府唔啱，但呢間舖我自己一個做，邊度會需要出糧俾伙記呢？我只係話有時候呢啲法例無顧及所有行業，對我呢一類自僱人士唔公平啫。」

 子承父業 默默耕耘

 「我無乜嘢特別技能，你叫我轉行做其他行業，我實在無乜本事，最多只能夠做個大廈保安。呢間店係我爸爸留落嚟，我總算有幸有父蔭，唔使擔心生計。」何先生說。「我唔希望俾個仔接手做，因為做呢行好辛苦。等兩個仔都畢業出嚟社會工作，我唔使擔心之後就會考慮退休。依家就當係好頭好尾，將爸爸嘅舗堅持做落去。」對於第三代接手，何先生認為孩子應該有自己的志向做自己喜歡做的事，不必為何六記的繼承而憂慮。

 

開業歷史 – 1975年

業務 – 雜貨
地址 – 西營盤水街8A1
電話 – 2547 3365

有心人 馮煥錦跌打針灸醫館

他二十七歲那年接手爸爸的醫館，四十多年來每天看守著西營盤街坊。他是我們筆為人知的第一位受訪者，健談的他令筆為人知猶如注下強心針。他是馮煥錦，西營盤第二街跌打針灸中醫師。

三代行醫

自爺爺開始，馮醫師已經是家族第三代行醫。「自己讀唔成書，就到爸爸的醫館幫手邊學邊做。」馮醫師笑著對我們說當初選擇行醫並不是因為有高尚的理念。「爸爸曾過講過，種落一棵樹，只要繼續澆水種下去，將來肯定會有收成。再加上我對中醫有興趣，因此順理成章就做了中醫。」

 中醫路難行

「爸爸曾經同我講，做中醫唔需要出名，最緊要唔好出事。」馮醫師慨歎地指出中醫師出了事也沒有醫委會幫忙出頭。「以前香港未有註冊中醫院嘅時候，西醫全民普及亦係社會嘅趨向，所有中醫診所都係私人執業，就算有好嘅醫師，佢嘅經驗及醫治方法亦未必能夠承傳下去。」

夜診

行醫四十多年的馮醫師當然也有不少難忘的診症。「有一位八十多歲婆婆跌親，於是我上門看診，發現佢嘅麒麟臼斷左，我即刻勸佢去醫院做手術。」馮醫師解釋，因為婆婆年時已高，骨頭已經很難自己再生長，最好的治療方法就是醫院接受手術。因為婆婆同時患有哮喘，救護車裡的消毒藥水味道會令她嘔吐不止。因此無論馮醫師怎樣勸說，婆婆也不願意乘救護車到醫院。當天晚上，馮醫師輾轉反側不能入睡，於是便決定凌晨夜闖婆婆的家。「信我啦，我會全程按實你嘅內外關，我保證你唔會嘔，膠袋都唔使揸。」馮醫師二話不說就背著婆婆行樓梯到樓下乘的士到醫院。由於婆婆需要留院接受接臼手術，馮醫師便到附近的便利店幫婆婆購買日用品後才離開醫院。

跟馮醫師閒談間，得知業主二十六年也沒有加過租。二十六年前至今，物價已經飛升不少，更遑論馮醫師這個與西營盤港鐵站只有一街之隔的舖位。香港，並不是如此人情紙般薄。

 

開業歷史 – 1977年
業務 – 中醫
地址 – 西營盤第二街113號地下
電話 – 2548 2727