童年回憶 知源貿易玩具

各位高達粉絲，你們知道玩具界的金句王是誰嗎？可能你會一時想不起，但只要看到它的生招牌「呀仔買高達，呀媽唔明白」，應該就會記得知源玩具了。位於荃灣川龍街的知源貿易玩具，因為各款不同的自創金句而聞名。筆為人知的媽媽粉絲，看完知源的故事後，你們開始明白阿仔的想法嗎？

街坊生意

「我哋喺呢嗰舖位已經兩年，老實講，喺呢嗰舖賣玩具我哋輸足兩年，真係唔知仲可以捱到幾耐。」知源負責人阿列無奈地說。「知源喺荃灣區五年喇，之前喺協和廣場開，後尾商場裝修就搬到嚟呢到，點知人流越嚟越少……點解仲留喺荃灣？我哋想做街坊生意囉！你想買到正版玩具，仲要個舖頭凌亂，有兒時去玩具舖尋寶嘅感覺，成個荃灣區應該就係得番呢到。」

玩具業的衰落

「知源主要係做玩具批發，我哋都有供應玩具俾出面啲大型嘅零售商。老細喺高峰期有八間玩具舖，那些年紅極一時嘅他媽哥池，哎……玩具嘅長青文化喺香港並唔存在，話晒香港而家流行速食文化嘛。」阿列總結香港玩具業的衰落主要有兩個原因，第一是年青人比以前少，因為近年出生率低；第二是因為網上購物的興起。「小朋友最開心嘅喺係玩具舖裡面慢慢揀自己鐘意嘅玩具，如果個個家長都上淘寶買玩具就算，咁就連小朋友嘅童心都剝削埋！」

人人都有玩具玩

凌亂的知源玩具能夠帶給你一份親切感，筆者童年流連模型店的回憶頓時湧上心頭。除了正版的高達模型，知源亦同時售賣價錢較便宜玩具給街坊們選購。「賺錢第二，我希望個個小朋友都有玩具玩！」阿列這番說話令人很感動。「呢區有好多人嘅經濟環境唔喺話太好，當小朋友望到同學仔有，但係自己無得玩，佢一定會好唔開心，但唔係個個都負擔得起一個八十幾蚊嘅陀螺。我唔識講，唔知咁樣係啱定係錯。」

「就算你阿爸阿媽點衰都好，你細細個陣佢哋買玩具俾你嘅記憶點都會有。」童心未泯，無論你在哪個時代，玩具永遠都是大家成長的良伴。

開業歷史 - 2008年

業務 - 玩具

地址 - 荃灣川龍街99號A1號舖

電話  - 9639 9713










-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃

https://www.facebook.com/untold.hk/

-----------------------------------

長壽喜麵 好運製麵公司

深水埗這個舊區，可算是全香港最多傳統老店的地方。雖然它很「舊」，但它的老店仍舊默默地服務區內的街坊，照料大家的起居飲食。今次訪問的主角好運製麵公司，屹立在深水埗北河街超過50年，店主顏師傅已經60多歲，每天風雨不改在店舖後的工場製造不同的傳統中式粉麵，供應給附近的街坊和餐廳。

拜師的辛酸

顏師傅是好運製麵的第二代接班人，他接手了上一任老闆的麵店、工場、機械，堅持每天早上五點開工。「做咗呢行咁耐，諗番起最痛苦嘅時候應該喺入行果陣，十零歲就入行，一個月$30人工……」上一代拜師學藝的辛酸史，筆者從不同的訪問中已經聽了很多，慶幸自己出生於這個年代，只少不用為兩餐溫飽而苦惱。「呢到最高峰期嗰陣有五個伙記，依家呢行式微喇，我阿囝寧願食杯麵做消夜啦，年青人覺得要開爐煮野食好麻煩。」顏師傅慨嘆地說。

最愛雲吞麵

 看著高高的掛在店舖外的白底紅字招牌，就能清楚好運製麵的出品包括蝦子麵、金蛋麵、伊府麵、魚蓉麵、長壽麵、蝦蓉麵等的中式粉麵。可惜的是，這些製麵很多的都已成過去。「依家嘅生意主要喺靠交貨俾餐廳，佢哋唔需要呢啲傳統的粉麵，如果門市比較好賣就係蝦子麵和魚蓉麵。」製麵多年的顏師傅，最愛吃的卻是雲吞麵裡的竹昇麵。「麵喺用蛋白造，成本喺最高，亦最試到造麵師傅嘅手勢。」

長壽麵禮盒

不說不知，好運製麵的長壽麵是街坊們的寵兒，原因就是一個包著麵餅的傳統的紅綠黃禮盒，街坊們總愛到好運購買這個禮盒來祝賀家中的老人家長壽健康。不要少看這個花碌碌的麵盒，製作的工序一點也不簡單，全是老師傅人手用皺紙摺好再加上金紙圍著盒邊才成。據顏師傅說，近來來買長壽麵禮盒的人愈來愈少了，送長輩長壽麵的習俗已經漸漸被西式的生日蛋糕所取締，就算是中式酒樓的壽宴也甚少再看到長壽麵這道菜了。

開業歷史 - 1960年代

業務 - 製麵

地址 - 深水埗北河街88號

電話 - 2386 9940









-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃

https://www.facebook.com/untold.hk/

-----------------------------------

新派「滷」店 滷店

「我希望香港人食滷水食物嗰陣就會諗起我！」這是滷店店主聶先生對我們說的宏願。位於油麻地上海街的滷店，它的裝潢看得出是有精心設計過，並不像附近「老店」般的零亂感；它所售賣滷水食物亦很整齊的擺放在玻璃櫃內，並附上價錢供客人選購，完全不是一般潮洲滷水店的格局。「我哋喺做廣東滷水，唔喺做傳統潮州滷水，唔會剩喺得個鹹字。」聶先生對我們解釋。

廣東滷水

「什麼是廣東滷水？我哋嘅滷水喺比較清甜，無咁鹹，所以我哋用嘅材料有部份會有別於其他滷水店用開嘅，例如香沙、黃薑等。」聶先生在開業初期聆聽了附近街坊的意見，「上海街已經喺老區喇，比較多老人家，我哋啲滷水都會整得淋身一啲，不過我發覺年輕一輩嘅客人都接受到喎，佢哋都唔太喜歡嚼嘢！」可是，由於老區的關係，人流及消費額亦不如聶先生當初開舖所預期。「附近有好多劏房客住，好難做到熟客生意。」

新派滷水食物

滷店售賣的食物全部放在玻璃櫃內任君選擇，一些「大路」的滷水食物如鵝片、鴨舌、墨魚片外，還有一些你意想不到的滷水，包括：鮑魚仔、魷魚鬚、牛腩、五花腩等等，令這老區的滷水店不再「老餅」。此外，滷店的食材絕大部份都是來自外地進口，「多得啲外國人唔識欣賞啲動物的其他部位，起咗塊肉出嚟之後就對佢哋無哂興趣，就喺咁我哋先有呢啲好野食！」聶先生笑著說。

得到認同最開心

「做食店最開心嘅當然喺得到大家認同啦！」聶先生說滷店在這裡開業兩年多，卻從未有給予過任何的宣傳費。「不論喺報章雜誌、電視台都有搵過我哋做訪問，當然喺因為佢哋都覺得我哋嘅食有特色先會嚟介紹。」聶先生還透露曾經有人問他有沒有興趣合作特許加盟店，「呢啲都唔喺我自己想要嘅野，真喺無興趣囉！兩年幾前我雄心壯志咁開呢間舖，我唔想假手于人呀！」

「台灣滷水好好食，點解香港造嘅滷水唔出名？滷水唔一定喺台灣先好嘅！」聶先生感慨地說。可惜的是，滷店很大可能在不久的將來消失於上海街。「依家仲傾緊續租，但喺業主加得太多喇，跟本做唔到落去，唯有去第二個區再搵吓啲平舖啦！」

開業歷史 - 2015年

業務 - 滷水

地址 - 佐敦上海街120號地下

電話 - 2251 9383

-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃

https://www.facebook.com/untold.hk/

-----------------------------------

不只是士多 明記公司

來到大埔區首站，已經驚喜處處。筆者敢肯定初到大埔的朋友若經過明記公司，只會覺得它是一間賣報紙雜誌的士多舖，舖頭前擺放著不同類別的書刊雜誌。然而，店舖內卻大有乾坤，明記公司原來是一間很有規模的魚具用品店。

成功轉營

據老闆娘李太所說，明記已經開業51年，謹守在同一位置。「明記最初的確是一間士多，做了11年後，就轉做了13年超級市場，最後改為做了魚具用品店，不過我哋依舊有報紙雜誌及飲品賣。」作出這樣大的改變，筆者相信都是離不開興趣二字。「老闆好鐘意釣魚，有一次想到附近的魚具店買野，點知去哂咁多間都冇得賣俾佢，於是佢就決定自己開一間。」

化興趣為事業

由於李太自己也是釣魚發燒友，談起釣魚當然相當感興趣。「釣魚喺一個很健康的樂趣，近幾年多咗親子釣魚，可以同細路海玩一日之餘，又可以訓練細路嘅耐性。」舖內擺放著不同種類的釣魚工具，一支魚杆的價格差別可以是數百元至萬元亦有。李太笑著說：「不同的釣魚方法會用不同的魚杆，通常磯釣的朋友使費會比較大，因為佢哋會用名牌的裝備囉！我自己比較喜歡船釣，相比其它方法，船釣魚獲比較穩定，如果附近冇魚都可以叫船家駛到另一位置再釣。」

釣魚發燒友的聚腳站

作為釣魚愛好者，很多時候老闆和老闆娘跟客人聚在一起大談魚經，久而久之成為了好朋友。「有個客佢見我唔舒服咗好耐，佢喺附近釣到一條大水魚，特登拎過嚟送俾我，叫我加埋藥材煲嚟飲，真係好有心！其他客人如果釣到好多魚，自己又食唔哂，都會拎過嚟送俾我哋食。」

當訪問進入尾聲，筆者發覺明記咭片背後埋藏著高深的天文學問。李太解釋選擇生流的日子去釣魚會比較適合，此代表著水面雖風平浪靜，但水底水流速比較大，大量魚將隨著漲潮游過來覓食，理論上魚穫將會較為豐富。中國古代曆法的智慧實在教人驚嘆！

 

開業歷史 - 1966年

業務 - 魚具

地址 - 大埔墟廣福道99號

電話 - 2656 3753









-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃

https://www.facebook.com/untold.hk/

-----------------------------------