2017年11月22日 星期三

長壽喜麵 好運製麵公司

深水埗這個舊區,可算是全香港最多傳統老店的地方。雖然它很「舊」,但它的老店仍舊默默地服務區內的街坊,照料大家的起居飲食。今次訪問的主角好運製麵公司,屹立在深水埗北河街超過50年,店主顏師傅已經60多歲,每天風雨不改在店舖後的工場製造不同的傳統中式粉麵,供應給附近的街坊和餐廳。

拜師的辛酸

顏師傅是好運製麵的第二代接班人,他接手了上一任老闆的麵店、工場、機械,堅持每天早上五點開工。「做咗呢行咁耐,諗番起最痛苦嘅時候應該喺入行果陣,十零歲就入行,一個月$30人工……」上一代拜師學藝的辛酸史,筆者從不同的訪問中已經聽了很多,慶幸自己出生於這個年代,只少不用為兩餐溫飽而苦惱。「呢到最高峰期嗰陣有五個伙記,依家呢行式微喇,我阿囝寧願食杯麵做消夜啦,年青人覺得要開爐煮野食好麻煩。」顏師傅慨嘆地說。

最愛雲吞麵

 看著高高的掛在店舖外的白底紅字招牌,就能清楚好運製麵的出品包括蝦子麵、金蛋麵、伊府麵、魚蓉麵、長壽麵、蝦蓉麵等的中式粉麵。可惜的是,這些製麵很多的都已成過去。「依家嘅生意主要喺靠交貨俾餐廳,佢哋唔需要呢啲傳統的粉麵,如果門市比較好賣就係蝦子麵和魚蓉麵。」製麵多年的顏師傅,最愛吃的卻是雲吞麵裡的竹昇麵。「麵喺用蛋白造,成本喺最高,亦最試到造麵師傅嘅手勢。」

長壽麵禮盒

不說不知,好運製麵的長壽麵是街坊們的寵兒,原因就是一個包著麵餅的傳統的紅綠黃禮盒,街坊們總愛到好運購買這個禮盒來祝賀家中的老人家長壽健康。不要少看這個花碌碌的麵盒,製作的工序一點也不簡單,全是老師傅人手用皺紙摺好再加上金紙圍著盒邊才成。據顏師傅說,近來來買長壽麵禮盒的人愈來愈少了,送長輩長壽麵的習俗已經漸漸被西式的生日蛋糕所取締,就算是中式酒樓的壽宴也甚少再看到長壽麵這道菜了。


開業歷史 - 1960年代
業務 - 製麵
地址 - 深水埗北河街88
電話 - 2386 9940









-----------------------------------
各位喜歡筆為人知的朋友,
請你like & follow我們的Facebook Page
給筆為人知一點支持和鼓勵。😃
-----------------------------------

2017年11月14日 星期二

新派「滷」店 滷店



「我希望香港人食滷水食物嗰陣就會諗起我!」這是滷店店主聶先生對我們說的宏願。位於油麻地上海街的滷店,它的裝潢看得出是有精心設計過,並不像附近「老店」般的零亂感;它所售賣滷水食物亦很整齊的擺放在玻璃櫃內,並附上價錢供客人選購,完全不是一般潮洲滷水店的格局。「我哋喺做廣東滷水,唔喺做傳統潮州滷水,唔會剩喺得個鹹字。」聶先生對我們解釋。

廣東滷水

「什麼是廣東滷水?我哋嘅滷水喺比較清甜,無咁鹹,所以我哋用嘅材料有部份會有別於其他滷水店用開嘅,例如香沙、黃薑等。」聶先生在開業初期聆聽了附近街坊的意見,「上海街已經喺老區喇,比較多老人家,我哋啲滷水都會整得淋身一啲,不過我發覺年輕一輩嘅客人都接受到喎,佢哋都唔太喜歡嚼嘢!」可是,由於老區的關係,人流及消費額亦不如聶先生當初開舖所預期。「附近有好多劏房客住,好難做到熟客生意。」

派滷水食物

滷店售賣的食物全部放在玻璃櫃內任君選擇,一些「大路」的滷水食物如鵝片、鴨舌、墨魚片外,還有一些你意想不到的滷水,包括:鮑魚仔、魷魚鬚、牛腩、五花腩等等,令這老區的滷水店不再「老餅」。此外,滷店的食材絕大部份都是來自外地進口,「多得啲外國人唔識欣賞啲動物的其他部位,起咗塊肉出嚟之後就對佢哋無哂興趣,就喺咁我哋先有呢啲好野食!」聶先生笑著說。

得到認同最開心

「做食店最開心嘅當然喺得到大家認同啦!」聶先生說滷店在這裡開業兩年多,卻從未有給予過任何的宣傳費。「不論喺報章雜誌、電視台都有搵過我哋做訪問,當然喺因為佢哋都覺得我哋嘅食有特色先會嚟介紹。」聶先生還透露曾經有人問他有沒有興趣合作特許加盟店,「呢啲都唔喺我自己想要嘅野,真喺無興趣囉!兩年幾前我雄心壯志咁開呢間舖,我唔想假手于人呀!」

「台灣滷水好好食,點解香港造嘅滷水唔出名?滷水唔一定喺台灣先好嘅!」聶先生感慨地說。可惜的是,滷店很大可能在不久的將來消失於上海街。「依家仲傾緊續租,但喺業主加得太多喇,跟本做唔到落去,唯有去第二個區再搵吓啲平舖啦!」


開業歷史 - 2015
業務 - 滷水
地址 - 佐敦上海街120號地下
電話 - 2251 9383









-----------------------------------
各位喜歡筆為人知的朋友,
請你like & follow我們的Facebook Page
給筆為人知一點支持和鼓勵。😃
-----------------------------------



2017年11月7日 星期二

不只是士多 明記公司

來到大埔區首站,已經驚喜處處。筆者敢肯定初到大埔的朋友若經過明記公司,只會覺得它是一間賣報紙雜誌的士多舖,舖頭前擺放著不同類別的書刊雜誌。然而,店舖內卻大有乾坤,明記公司原來是一間很有規模的魚具用品店。

成功轉營

據老闆娘李太所說,明記已經開業51年,謹守在同一位置。「明記最初的確是一間士多,做了11年後,就轉做了13年超級市場,最後改為做了魚具用品店,不過我哋依舊有報紙雜誌及飲品賣。」作出這樣大的改變,筆者相信都是離不開興趣二字。「老闆好鐘意釣魚,有一次想到附近的魚具店買野,點知去哂咁多間都冇得賣俾佢,於是佢就決定自己開一間。」

化興趣為事業

由於李太自己也是釣魚發燒友,談起釣魚當然相當感興趣。「釣魚喺一個很健康的樂趣,近幾年多咗親子釣魚,可以同細路海玩一日之餘,又可以訓練細路嘅耐性。」舖內擺放著不同種類的釣魚工具,一支魚杆的價格差別可以是數百元至萬元亦有。李太笑著說:「不同的釣魚方法會用不同的魚杆,通常磯釣的朋友使費會比較大,因為佢哋會用名牌的裝備囉!我自己比較喜歡船釣,相比其它方法,船釣魚獲比較穩定,如果附近冇魚都可以叫船家駛到另一位置再釣。」

釣魚發燒友的聚腳站

作為釣魚愛好者,很多時候老闆和老闆娘跟客人聚在一起大談魚經,久而久之成為了好朋友。「有個客佢見我唔舒服咗好耐,佢喺附近釣到一條大水魚,特登拎過嚟送俾我,叫我加埋藥材煲嚟飲,真係好有心!其他客人如果釣到好多魚,自己又食唔哂,都會拎過嚟送俾我哋食。」

當訪問進入尾聲,筆者發覺明記咭片背後埋藏著高深的天文學問。李太解釋選擇生流的日子去釣魚會比較適合,此代表著水面雖風平浪靜,但水底水流速比較大,大量魚將隨著漲潮游過來覓食,理論上魚穫將會較為豐富。中國古代曆法的智慧實在教人驚嘆!

 
開業歷史 - 1966
業務 - 魚具
地址 - 大埔墟廣福道99
電話 - 2656 3753









-----------------------------------
各位喜歡筆為人知的朋友,
請你like & follow我們的Facebook Page
給筆為人知一點支持和鼓勵。😃
-----------------------------------

2017年10月31日 星期二

書法的印記 德記印務公司

「你哋知道邊到係香馨里嗎?」店主任國華問我們。那是一條已經算是消失了的街道,當時香馨里貫穿文咸西街與皇后大道西,因為聚集了不少潮州打冷店而有「潮州里」之稱。自大型樓盤帝后華庭落成後,香馨里亦已經面目全非,剩下的街道則改建為小公園。今次訪問的主角德記印務公司當年就是在上環的香馨里開業,後來因為上環皇后街的重建項目而遷現址的薄扶林道。

印刷業的衰落

德記印務於六十年代開業,現在由第二代店主任國華繼承父業。「以前我哋係用活版印刷,由執字粒到排版和印刷需要較長時間,依家好多傳統嘅印刷舖都轉咗用柯式印刷喇。」任先生說。隨著印刷技術不斷進步,傳統的印刷業已近被新式的數碼打印所取代。「好似印結婚請帖,以前大家去囍帖街搵傳統嘅印刷舖印,依家年輕人都會幫襯一站式婚宴公司,我哋唔會再接到呢類訂單。」任先生見盡香港印刷業的變遷。

喀拉喀拉

雖說生意已經大不如前,德記還有一班忠實的老客戶支持。替他們印刷發票和收據,背後靠的就是藏在店舖中央的舊式印刷機。「如果係呢啲印刷量較少嘅發票和收據單,我哋都仲會用活版印刷,因為用活版印會比較化算。呢啲單印出嚟嘅數字每張都需要唔同,活版就可以設計成每印一張就推動一個數字鉛字,順序印落去。否則,每張都要整一個唔同嘅版,成本太高喇。」聽著喀拉喀拉的印刷聲音,我們要面對的是,活版印刷的知識在不久的將來將會失傳。

德記生招牌

其實,德記印務最「筆為人知」的是店外的招牌。招牌裡的德記印務四字由書法名家卓少衡題字,並有自己名字作落款。任先生表示卓少衡和家父份屬好友,舊店在香馨里的時候已經相識,故分文不收免費為德記題字,此招牌至今一直伴隨到新店現址。據任先生表示,間中有不少書法愛好者前來替其生招牌拍照。每一個老招牌的背後亦有其自身的故事,配上書法家度身訂造的字體,絕不能跟現時由電腦字體設計而成的招牌可作比較。


開業歷史 - 1960年代
業務 - 印刷
地址 - 西營盤薄扶林道20號地下
電話 - 2546 3987









-----------------------------------
各位喜歡筆為人知的朋友,
請你like & follow我們的Facebook Page
給筆為人知一點支持和鼓勵。😃
-----------------------------------

2017年10月24日 星期二

回憶的味道 德興隆豆腐鋪

一間前的豆品店多少個小時下午一時許,第三代的東主先生他要回家作休息,已經在店工作九小時!筆者有幸能與先生作簡短的談,小休過後他要回來收拾和準備明天的工作。

豆品四小

有六十多年史的北角區內豆品店的老字這條熙來攘往的馬道,滿佈街市攤檔行人專區排檔把德隆遮擋住著,可能只有熟路的街坊會懂街光。「我阿爸講返,以前腐嘅有四個順興、同興、永興……」年四大豆品老字,今天只剩沙灣順興和北角的四年前舊樓面臨結束六十年的業務,先生心放下三代建立的基業,於是找到毗鄰舖讓得以延下去。

秘方

氏三代都住在北角,多年法不漿堅用明火烹煮不考改用電。除此之外,經營方法都「貴精不貴多」,著重質量不著種品種而且更價錢廉宜吸引流水客和保留一直支持的老街然店面較窄內懷舊裝潢、海報和掛牆餐牌讓顧恍如過去一

難忘的創業故事

嗰陣試過自己開分店,成功。」先生,豆品多開分店,在品生難有絕對的質量保「始終機製豆品豆味無咁香濃,我以前開分店都試過用呢啲機,所以落得都大。」時分店大部分的製作方法和本店的法相似,重新認識先生的新店並不容易。「天時、地利、人和其實都好重要。」先生在創業路上學了寶貴的一課。


開業 1953
業務 豆品
北角馬1Q地下
電話    2563 8815










-----------------------------------
各位喜歡筆為人知的朋友,
請你like & follow我們的Facebook Page
給筆為人知一點支持和鼓勵。😃
-----------------------------------

2017年10月17日 星期二

根在觀塘 海記文具

哪一支原子筆比較好寫,哪一塊擦膠會擦得特別乾淨,哪一卷膠紙比較黏,這些看似簡單的問題,並不代表連鎖文具店的小職員可以給你一個滿意的答案。遇到這些難題,筆者誠意邀請你和海叔請教一下。今年已經七十八歲,人稱海叔,本名勞國坤,是觀塘海記文具的店主,在文具市場實戰超過四十年。因為裕民坊重建的關係,海記文具被迫於兩年前搬到現址的臨時小販市場。觀塘很多老街坊已經搬走,海記的生意現時只能靠熟客親臨這個閉門「市集」來維持。

沒有人流的市集

筆者到訪「市集」當日,發現的情景是店主多過客人,有部份店舖的招牌已經除下,只剩下吉舖。「當初大家搬入嚟嗰陣都好有期望,亦吸引咗啲新人入嚟做。但係過咗一排,你無班熟客支持真係好難做,嗰場嘅鋪位又細,走廊又窄,冷氣又唔夠,啲人點會入嚟幫襯?我就無所謂呀,係生意少咗好多,但係其他檔主好多都要養妻活兒,你話點算呢?」海叔指責市集負責人沒有用心去設計和營運這裡。見證著觀塘的變遷,老街坊海叔最懷念的始終是舊日的裕民坊。

薄利多銷

為什麼大家稱呼你為海叔?「我當年環境唔好,收入少,我阿叔喺北角春秧街開文具舖,就提議我喺觀塘開番間幫補吓。佢就同啲供應商講要喺觀塘開分店,分啲貨俾我們喺度賣。我呢間舖都喺借阿叔嗰名開。」憑藉真.海叔的提攜,海叔能夠以低一點的價錢直接向供應商取貨,觀塘街坊們亦因此而受惠。「呢支原子筆,我可以賣平過出面啲舖頭一、兩蚊,因為佢哋要向批發商攞貨,入貨價自然會貴啲。」

品質保證

「嚟咗呢邊開舖,啲生客唔明白點解有啲貨你賣得貴過出面。」海叔二話不說拿起一塊收在暗角的擦膠作示範。「你試吓擦就知,呢舊日本製嘅櫻花牌擦膠擦得特別乾淨!櫻花公司只係做大公司,好少俾批發商做零售。所以我都喺留番呢啲貨俾熟客,唔擺出嚟賣,費事俾其他人以為我sell野啦!」日本製vs.中國製,不用多講,相信勝負已分。

「做生意千祈唔好呃人,一定要賣正貨。」整個訪問過程中,海叔多番提及自己賣的一定是正貨。「喺呢到買嘅原子筆,一定可以番嚟配到筆芯。」生意之道,其實就是這樣簡單。


開業歷史 - 1976
業務 - 文具
地址 - 觀塘同仁街小販市場58號檔
電話 - 9498 6420











-----------------------------------
各位喜歡筆為人知的朋友,
請你like & follow我們的Facebook Page
給筆為人知一點支持和鼓勵。😃
-----------------------------------


2017年10月11日 星期三

養生之道 蓮生莊

筆者走進平凡的荃灣街市街街市,發現一間不平凡的小店。一般街市多賣蔬菜、肉類、水果和雜貨,給人的感覺都是亂髒髒的。然而,這間二十二號的地舖卻份外光鮮,讓人有煥然一新的感覺,它就是《蓮生莊》。店主Terry讀藝術出身,但因為家族曾做過中藥材的影響,自小對中藥便有一定的認識。七年前,Terry決定放棄專業,自己打本開藥材店。「 本身爸爸都係做中藥嘅,做咗四十幾年,不過佢嗰套就舊得滯啦,要打破自己嗰嗰框框先有突破……」

曾幾何時的樓上舖

當初的蓮生莊是一間樓上舖,為了讓客人知道小店的存在,Terry在宣傳推廣上下了不少功夫。「要自己親自派傳單都幾辛苦,一嚟日曬雨淋辛苦啦,二嚟就係自己設計嘅傳單,如果啲人睇都唔睇就丟咗,真係唔係幾好受。」除了派傳單外,他還會在網上出廣告做宣傳,但始終未有顯著成果。後來Terry 發現中藥這一行其實需要客人親自吃過覺得可信才會安心去買,於是便把樓上舖的蓮生莊拉回地面,把店搬進街市街街市內。「之後生意就好咗啲,不過你要習慣喺街市,因為以前慣咗喺office 做嘢,但而家就無冷氣,而且仲要接受地下污糟邋遢……」Terry笑說。

賣藥者言

不少商家都會用硫磺加工藥材,因為燻過硫磺的藥材有驅除蟲害的作用,讓其可以保存得更持久。可是,超標的藥材不但不能養生,反而會影響健康。「其實喺0.3克以下嘅情況下,硫磺係可以作為藥用……假如藥材真係有硫磺嘅話,用水洗過就應該無問題,只不過嗰陣味喺煲湯入面會帶有硫磺嘅酸味。」Terry 說,蓮生莊所賣的藥材都不含硫磺,讓這些天然無添加的藥材更能發揮藥用功效。「比如飲五劑藥,如果你藥材靚嘅話,可能飲兩、三劑就做到同樣嘅功效。」究竟天然的藥材和有硫磺加工過的藥材表面上有何分別?Terry以淮山作為一個例子。「原色淮山唔會咁白咁直嘅,而且煲咗湯之後會發大,但唔會有酸味。」天然的藥材賣相沒有加工過的吸引,如果是外貌協會的你,可能分分鐘會錯過天然藥材的「內在美」。

優化服務

為了有更專業的知識去經營蓮生莊,Terry當時便到香港浸會大學修讀中藥配劑文憑課程,一讀便讀了兩、三年。「中藥唔係好似中、英、數咁簡單,你背完讀完之後仲要keep住做先記得。」對於上一代的經營方式,Terry有不同的看法。「上一代的經驗當然好啦,因為佢哋要落手落腳去做,喺製藥方面會非常熟悉,但唯一嘅問題係佢地唔會同客人解釋清楚,有啲中醫就算你問佢嘢,佢可能會唔睬你。其實少少嘅改變,同客人解釋清楚,就已經令到個成個服務唔同晒。」店內三十多種湯包,都有標籤註明產品功效和用法,若果有疑難的話,Terry亦會一一為你解答,讓你安心選購。



開業歷史 2010
業務 藥材
地址  荃灣街市街街市地下22號舖
電話    5398 5904









-----------------------------------
各位喜歡筆為人知的朋友,
請你like & follow我們的Facebook Page
給筆為人知一點支持和鼓勵。😃
-----------------------------------