波友的山貨店 黑地

在石硤尾區長大的人都應該認識「黑地」，位於偉智街的它，是區內「波友」的地標，因為球場地面曾經鋪上黑色的瀝青而命名。年幼時住在白田的「波友」阿鵬，對黑地有著一份情意結，更在2016年時在「黑地」的對面開了一間售賣家品雜貨的黑地，延續為石硤尾街坊服務的使命。

山貨中尋寶

石硤尾可算是香港其中一個老區。當傳統的家品雜貨店已經陸續在老區消失時，阿鵬卻選擇逆勢而行，售賣舊式的日常用品，如公雞碗、棉胎拍、暖水壺、不銹鋼水煲等。本是平面設計師的阿鵬，把這些你認為已經過氣的家品擺放得很富時代感，「呢啲簡潔設計的日常用品，全部都好實用。」據阿鵬透露，駱駝牌最近推出的復刻版暖水壺大受年青人的歡迎，其簡約造型及搶眼顏色就是主因。「古老嘅暖水壺一樣有市場，佢嘅內膽設計喺真空玻璃，入湯入藥都得。」阿鵬笑說，駱駝牌的熱潮曾經為黑地帶來大部份的收入。

鄰近JCCAC

「打咗咁多年工，之前從來未做過生意，今次開舖好希望可以識多啲人，同多啲人傾吓計，交流一吓心得。」阿鵬選址在賽馬會創意藝術中心(JCCAC) 附近開店確實是有幫助的。「呢個地方嘅租金相對平，喺一個唔錯嘅起步點。如果撞正JCCAC嗰邊有展覽搞，就會吸引到一啲對懷舊復古物品有興趣嘅客人過嚟參觀。」

柳宗理的神位

店舖最後方擺放著日本設計大師柳宗理設計的餐具器皿，阿鵬說那兒就像「神位」一般讓他來供奉。「柳宗理喺我最尊敬嘅設計師，佢嘅作品全部都喺以實用為出發點，線條簡單而流暢。」因此，阿鵬亦希望透過黑地內的這個「神位」，讓更多街坊們認識這名設計大師的作品，「紿終香港唔係有太多地方擺賣柳宗理多啲唔同款式嘅餐具器皿，比較常見嘅就剩喺得蝴蝶凳。」阿鵬的黑地和在JCCAC裡開設的不同特色商鋪，他們的創意和朝氣，為石硤尾這個舊區注入暖暖的生氣。

開業歷史 - 2016年

業務 - 家品雜貨

地址 - 石硤尾偉智街38號福田大廈19-20號地舗

電話 - 9806 1476








-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃

https://www.facebook.com/untold.hk/

-----------------------------------