隱世咖喱 天然椰子號

若問北角街坊馬寶道最出名的是什麼，相信答案應該是路邊滿是小販攤檔在叫賣。繁榮的行人專用區中，路人很容易忽略了有一間隱世的香料店在馬寶道旁。走進天然椰子號的店內，沒有雅致的裝修，卻齊備街坊們需要的香料和醬料。一個一個黃色的香料箱並排在貨物架上，十元八元一樣可以有交易。

四大天王 咖喱稱霸

「我哋呢度有四大天王坐陣，分別係辣椒油、咖喱膽、沙爹醬和麻辣料，全部都喺自家製，而最好賣嘅就喺咖喱膽！」店主曾先生自豪地說。「每朝我都六點幾起身番舖頭榨椰汁炒醬，搞掂哂八點鐘就開舖。」曾師傅五十多年的炒工，配上新鮮的椰子汁，難怪五星級酒店和米芝蓮的餐廳亦在這裡選購醬料。「我炒嘅醬無落水，亦無落防腐劑，有少少油浸住，用最天然嘅方法防腐，可以保存到兩年㗎。」

椰子才是主角

天然椰子號在北角已經開業超過五十年，最初在渣華道開店，及後落戶在馬寶道。看店名就應該知道一開始是賣新鮮椰子起家，「自從罐頭椰汁引入香港之後，我哋呢行就開始沒落喇，唯有試吓轉營賣東南亞香料和雜貨。」然而，曾先生始終覺得椰子才是天然店的靈魂。「無落椰子嘅咖喱唔會好食，仲有呀，椰子一定要嚟自馬來西亞或者泰國，其他地方嘅椰子汁唔夠椰香㗎！」天然亦有出品馬豆糕，以鮮榨的椰汁製成，每天只限供應25底。

兼營湯料食材

老店為了不被淘汰，近年店主引入了不同湯料及藥材給街坊選購作煲湯之用，更在店外播放短片教授大家煲靚湯的技巧。每一款食材均附有中英文名稱，有些更有食材功效，甚為貼心。筆者在店內訪問期間，有不少街坊前來和曾太「打牙骹」，一聽便知曾太應是廚藝高手。北角街坊們，若你們有什麼煲湯心得，歡迎前來天然椰子號找曾太切磋一下吧！

開業歷史 - 1964年

業務 - 香料

地址 - 北角馬寶道46號地下

電話 - 2571 6305










-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃

https://www.facebook.com/untold.hk/

-----------------------------------

北角街頭小吃 麥記美食

生煎包於下午過後便賣光，失望的顧客唯有等到明天。這家小食店於2015年被列為米芝蓮「街頭小食推介」之一，主打的美食是上海小吃，包括生煎包、小籠包、鍋貼和蔥油餅。小小的店舖位置不大，但馬路有一個大排檔形式的位置供顧客即時享用美食……「呢條係一條私家路，我哋租咗個車位用嚟擺枱櫈。」麥記美食第二代接班人Jack說。

由木頭車做起

堡壘街的麥記美食是麥氏一家所開的小食店，熟知麥記的街坊都會記得麥用君先生推過的木頭車。現在麥師傅年事已高，所以大部分業務主要都交給兒子接手。「呢度2000年開，我爸爸後生嗰陣做上海館嘅點心同小食，做咗廿幾年之後就諗住自己創業，就喺街邊賣魚蛋，之後因為政府打壓小販，所以當時就迫於無奈之下開店。」Jack說，經歷過打壓小販的千禧年代，麥記美食由一輛木頭車，十七年前搖身一變便成為一間朝十一晚十的美食店。

米芝蓮的秘方？

街知巷聞的小食基本上都差不多，究竟有何妙訣可以每天大排長龍呢？當筆者點了一碟生煎飽和擔擔麫正準備大快朵頤的時候，Jack便把一碟醬汁端過來。「呢個係我老竇做小販嗰陣研製出嚟，有小小辣嘅，不過好多客都好鐘意食呢隻醬。」這款獨特醬料主要以香辣為主，是Jack 的爸爸花了一年時間研製而成。有煮醬的秘方嗎？Jack 笑說這是商業秘密。生煎包底部焦跪而且新鮮出爐，加上香辣的醬汁，口感和層次的確與別不同，讓吃貨們有一試難忘的感覺。這款人情味的街頭小吃，不得不坐在一旁趁熱享用，而放在車位上的枱櫈便發揮了它們的作用。

工作辛苦嗎？

「一開始嗰陣無人識所以經營都幾艱難，加上03年沙士啲人都唔會上街買小食，試過一日做三百蚊……」Jack說，當初開業若不是熟客認得他爸爸，這條較靜的小街基本上很少會有流水客光顧。「近呢幾年難唔係無生意嗰種難，係辛苦嗰種難，而家做嘅時間比較長……」守了多年，小店的生意開始穩定下來，但要滿足不同顧客之餘還要保持食品質量並不是一件容易的事。「辛苦就一定辛苦過之前打工喇，呢間舖乜嘢都要自己一手做。」一年前還是從事銀行的Jack 笑說，除了開店的十一個小時外，開店前還要去入貨買材料和做事前功夫，其實當小食店的東主比朝九晚五的上班一族還要辛苦。

開業歷史 – 2000年

業務 – 街頭小食

地址 – 北角堡壘街21-23號美嘉洋樓地下

電話 – 2887 7851

-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃

https://www.facebook.com/untold.hk/

-----------------------------------

賣得鹹魚抵得渴 伍惠記

鹹魚，可算是見證著香港逐步邁向繁榮昌盛的印記。從前的香港人，很喜歡掛在嘴邊說「鹹魚送飯，咁就一餐喇！」。在西營盤梅芳街只此一家、唯一售賣鹹魚的伍惠記，店主伍國祥卻看著鹹魚舖逐一消失，「鹹魚欄」已變成了「海味街」。傳統的鹹魚業，就是靠伍生伍太每天在細小的綠色鐵皮檔默默地守護著。

昔日的鹹魚欄

剛才所指的「鹹魚欄」，正是「從前」的梅芳街。「以前呢條街係私家街，唔受政府監管，兩邊都係賣鹹魚嘅排檔。後來因為衛生嘅問題，政府就收番呢條街，俾消防車可以係有需要嗰陣入到嚟，仲將啲檔口排番去我依家嘅呢邊，我哋伍惠記就由街頭搬到依家喺中間嘅呢個檔口位。」檔主伍先生說。「伍惠就係我爸爸，佢七歲走難落嚟香港，做過執高爾夫球波、賣煙、補鞋，輾轉到咗梅芳街跟師傅學整鹹魚。」伍家的第二代也繼承了爸爸出色的醃鹹魚手藝，可是現在的梅芳街只剩下伍惠記一間專賣鹹魚的檔口，鹹魚欄已變得虛有其名。

鹹魚翻生？

「你醃鹹魚幾叻都無用，因為依家香港已經無魚俾你醃。」伍先生慨嘆地說。「以前我哋會去魚類統營處攞鹹鮮，然後再親手將每條鹹魚曬乾，要落幾多鹽，曬幾耐，全靠師傅嘅經驗和手藝。但係九七之後，全世界嘅水產開始越嚟越少，魚類統營處亦取消咗批發鹹鮮，所有嘅鹹魚已經喺外地醃好進口香港，我哋唯有轉營做買手，憑自己的經驗去揀靚嘅鹹魚返嚟賣。」經常聽老人家說現在的食物吃不到從前的美味，鹹魚相信是一個很好的例證。外地講求大量的公式化醃製，又怎可比得上伍惠記的家傳手藝呢？

鹹魚白菜也好好味

鹹魚分梅香和實肉兩種。伍太和我們分享鹹魚的最佳食法：「實肉鹹魚蒸出嚟無咩香味，好似食雞胸肉咁一片一片，講求食質感；梅香鹹魚無條魚嘅味都好唔同，馬友因為好香，所以最多人鐘意，適合用嚟蒸肉餅或者整XO醬。仲有呀，每一個水域啲魚嘅質地都有唔同，孟加拉啲肉實淨啲，而越南魚嘅肉比較淋身啲。」上一代的老人家才是鹹魚的忠實粉絲，據伍先生說，就算是年輕人來買鹹魚，背後的真正用家也是他們的父母或祖父母。「依家啲人成日話食鹹魚無益，又唔見食環處話唔俾我哋賣？世衛都叫大家唔好食醃製食物，但係幾多年青人食Parma Ham呀！」

「做生意其實唔難，做得好啲客自然會再嚟幫襯，所以一定要處理好每一條鹹魚，識得曬得靚！」面對著夕陽的鹹魚業，伍生伍太仍處之泰然，深信好的鹹魚也能覓得知音，鹹魚還是有機會會「翻生」的。

開業歷史 - 1940年代

業務 - 鹹魚

地址 - 西營盤梅芳街6號牌

電話 - 2548 1185









-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃

https://www.facebook.com/untold.hk/

-----------------------------------

活在西環 關興記

當西營盤站開通後，西區的地段不再讓人覺得隔涉。區內的唐九樓、鹹魚欄、茶館和海味舖等，都保留著舊香港的氣息。走過第三街和正街的街角，你會看到這間有九十年歷史的老字號—關興記。

從第一街說起

「呢度約莫係二零年代左右開始，當年我老爺話佢十七歲同佢爸爸挑擔上街賣，之後喺大排檔做，跟住就入舖頭做。後來我問返我姑奶，原來最初都係喺第一街開始。」當時上一代的老人家沒有置業，店舖都是租的，若大廈遷拆的話樓下的店舖都要被迫遷。關興記於是由第一街搬到第二街，九零年代再遷至現在的第三間店舖經營至今。

轉型以維持

由2000年開始，關興記便慢慢轉型，由原來只做荳品變成以荳品和雜貨兩類招徠街坊。「因為請人難啊，就算而家香港都係啦，好似你哋讀完書出嚟都唔會話走去做啲勞動嘅嘢，所以我哋就將腐乳嘅工場搬咗上大陸，跟住豆腐我哋就唔做喇，交俾元朗一間工場去做。」不如大型超市一般「以量取勝」，關興記不會囤貨，儘量為迎合街坊需求而彈性入貨。話雖有多個工場生產，但關興記依然保存著一般荳品店「前舖後廠」的格局，每天仍會磨新鮮的豆漿。

商標的故事

很多老顧客都知道，關興記是以觀音作註冊商標，而以宗教圖像為商標的品牌現在都較難得到政府通過，可見關興記歷史悠久。除了香港外，關興記亦有出口東南亞，當中以馬來西亞為最大的市場，全盛時期有二十家合作的貿易公司。

正因為老字號的原因，有幾家不法商家曾以「關興正記」冒充「關興記」，並肆意宣揚關興記停止出口的消息。「當時搞到我一張貨單都無，但我係一個唔認輸嘅人，於是我就日日搵馬來西亞領事館問，後來先知道當地以為我唔做，咁我就同當地報館聯絡登一段廣告，話我無第二個品牌同埋關興記依然有做出口，如需要接洽嘅就同我聯絡。之後我先至慢慢將馬來西亞嘅市場攞返番嚟。」

西環徐小鳳

「你今日見我著到咁靚，因為我今晚表演！」關太笑說。「今晚喺中山公園有個盤菜宴，咁啱有人叫我去唱，我咪唱囉！平日返工都唔會有時間，呢個都算係我一大興趣。」工作之餘，關太也會一展歌喉，亦曾有考獲過皇家舞蹈學會社交舞的証書，後因腰部受傷而停止跳舞，轉而教學烹飪，所以各行各業都有她的足跡，「西環徐小鳳」之名豈是浪得虛名。

開業歷史  – 1928年

業務  –   豆品

地址  –  西營盤第三街65號地下

電話  – 2549 8625









-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃

https://www.facebook.com/untold.hk/

-----------------------------------

舊區老味道 啟泰馬仔

隨著觀塘舊區重建，昔日的裕民坊、仁愛圍和賽鴿店，已經一一不再。啟泰馬仔的老闆黃文金先生，因為不敵時代變遷和昂貴的租金，去年也放棄洗衣店，現在只剩下啟泰馬仔一店。而當中的麥芽馬仔，是順香園合作多年的隱世食品，更是黃老闆極力悍衛老店的原動力。

源於啟泰

啟泰馬仔的由來，其實是源於黃老闆父親黃啟泰之名。黃老闆十多歲的時候就跟著他爸爸到觀塘開辦館，貨源都來自有名的和記隆、大地和順香園。後來因為辦館利潤不高，黃老闆便放棄當時賣的煙酒和汽水，轉型做洗衣店，但店內有一半位置亦保留住辦館原有的懷舊食品。

天然的慢工細貨

聽黃老闆說，馬仔原名為薩琪瑪，是源於滿洲祭祀的祭品之一，後來流傳到坊間，不同的地方在取材方面有所不同。黃老闆的馬仔，全是人手製作的，工序一點都不簡單。除了用了天然的麥芽糖外，再加上自家炒製的芝麻，麥芽馬仔並非一般的機器製馬仔所能媲美的。麥芽馬仔因為製作需時，加上人手不足，一天供應並不多。今時今日的社會，講究的是速度和效率，有誰還會欣賞這些真材實料的慢工細貨呢？

快將失傳的香港製造

「我嘅下一代無打算繼承我嘅業務，師傅嗰邊亦無人繼承。」黃老闆說，現在做馬仔的只有一位老師傅，而他亦差不多步入退休的年紀。「我最出名就係賣馬仔，明星、外國人同名人都有買我嘅馬仔，好多時無預訂嘅話都會無貨。我喺呢度四十幾年都係因為呢啲馬仔，我做到今日亦希望街坊能食到呢啲真材實料嘅馬仔。」在這一個為金錢生存的社會，讓麥芽馬仔這些東西漸漸失傳，是一件遺憾的事。

開業歷史  – 1964年

業務  –  食品

地址  –  觀塘瑞和街130號地舖

電話  – 2342 9391









-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃

https://www.facebook.com/untold.hk/

-----------------------------------

念舊 南發皮具鞋業

筆者記得每年暑假其中一件最期待的事，就是到鞋店買一雙新的皮鞋及運動鞋以迎接新的學年。想當年，Yasaki運動鞋風靡一時，穿上一對Yasaki等於跟潮人劃上等號。因此，Yasaki運動鞋總是佔據舊式鞋店最當眼的角落。現在，舊式鞋店已經買少見少，取而代之的是一眾連鎖店及百貨公司的專櫃。

60年歷史的舊式鞋店

南發皮具鞋業屹立於沙田區接近60年，據店主黃太稱，舊店位於沙田正街，由其老爺創立。「南發絕對喺沙田區嘅老店之一，好多客人都話細細個曾經喺南發買過鞋，發現原來依家間舖仲喺度。」

見證父母對兒女的「愛」

南發舖內的裝潢跟一般的舊式鞋店相若，兩旁裝上一大塊玻璃，鞋子一雙一雙整齊地由門外一直伸展到店內。「以前喺舊式鞋店經常都會發生嘅事，就係學生哥要父母買鞋，整個過程由拒絕到妥協，每日都會不斷重覆發生。九零年代嗰陣，買Dr. Martens鞋嘅細路幾乎每一個要同父母喺我哋舖嘅門口大戰一場先可以成功買到。六、七百蚊一對以當時嚟講算喺幾貴。」鞋店東主告訴你，天下間哪有不愛自己兒女的父母呢？

念舊的客人

被問到難忘的事，老闆娘就道出數年前發生的這件事。「有一個四、五歲嘅男士入到嚟話要兩對鞋，佢嘅衣著好特別，條褲短到好似孖煙囪咁。佢好簡單試一試就話無問題，叫我俾個袋佢入住兩對鞋，同其他客好唔同，新鞋當然要試清楚啱唔啱著啦！佢俾咗錢之後，先同我講話原來佢細細個住喺沙田，之後移民咗去外國好多年，今次係特登番嚟香港想搵番以前有嘅舖。佢問咗好多街坊，知道南發仲有做緊。佢最開心就喺攞到印有南發呢個袋，等佢可以拎番去俾親戚睇到。」

對於經營老店的老闆，最感激的就是遇到念舊情的長情客人。

開業歷史 – 1959年

業務 – 鞋履

地址 – 沙田瀝源邨褔海樓2樓S12號舖

電話 – 2697 1321









-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃

https://www.facebook.com/untold.hk/

-----------------------------------

敬業樂業 黃明記 雄記布疋 安全水電

不知不覺地筆為人知已經做了接近一百個訪問，上一代的店主給筆者的感覺總是周身刀，卻張張利。今次訪問的主角黃伯已經年過七十，開鎖、配匙、水電、補鞋、以至修理雨傘樣樣皆曉，堪稱南山邨「維修通」。「細細嗰窮嘛，要跟師傅學返幾門手藝。」上一代的人總是這樣謙遜。八十後在辦工室工作的你，懂其中一樣技能已經覺得夠本事了，是我們太矯生慣養嗎？

南山邨「維修通」

黃明記最初由黃伯的爸爸創立，在大坑西附近經營售賣柴米油等日常必需品的士多，及後搬到大坑東村(現址為惠康附近) ，最後在1978年落戶到南山邨商場至今。「我細嗰果陣已經好喜歡拆呢樣，拆嗰樣，然後再研究點樣嵌番埋。阿爸當時識人做維修，就叫我跟師傅學野，咁就入咗行喇。」黃伯訴說當年的辛酸史。「頭一兩年生意唔係幾好，就諗住做埋配匙。我買咗部英國製原廠耶魯(Yale) 配匙機，點之原來唔容易用，一遇到唔識就要去青山道嗰邊搵朋友教，試過一日行去搵咗佢三次添！」步行來回大坑東至青山道，不能不佩服上一代人的堅毅和鬥志。

五十元換來新生命

黃伯另一門隱世絕技就是修理雨傘，大約五十元就有交易。「有得整就整啦，唔好浪費呀！」上一代的人不是每個人都有能力買新的東西，遇上任何的物品壞掉了，都會想辦法延長牠的壽命。到了現在，不只是黃明記，你會發現很多老區還有一些公公婆婆在街邊「擺檔」負責修理物品。從另一角度想一想，用了五十元，你換來的是新生命，他們換來的是五十元和滿足感，怎樣計算也該是值得吧！

樂觀的還有他們

在黃明記的旁邊開店的還有雄記布疋和安全水電，他們也是一直陪伴著南山邨居民長大。雄記布疋的顧婆婆今年87歲，由於年紀已大，自己一個人看舖，現在只售賣一些已經包裝好的床單被鋪。「以前我係賣布同埋幫人車被袋，六、七十年代果陣因為國內經濟唔係幾好，好多人都會寄物資番去，當時有限制架，一個人最多運五碼布，我要日日去郵局幫人寄野返大陸。」顧婆婆還跟我們笑說城大的老師會過來考考她是否記得東西的價錢，她可以一一回答哩！安全水電的丘伯伯家住大埔，每天風雨不改四點起床，八點回來開舖，幫街坊們修理小型電器。「每日搭車出嚟都睇到好多人生百態，爭到位坐嘅人就笑嘻嘻，爭唔到位嘅人就要罰企喇！」跟他們傾談的十數分鐘，看到的只有笑臉和樂觀的性格，相信這就是他們能做到敬業和樂業的原因。

(黃明記)

開業歷史 - 1950年代

業務 - 維修

地址 - 石硤尾南山邨商場P.62號

電話 - 2778 9303

(雄記布疋)

地址 - 石硤尾南山邨商場P.81號

(安全水電)

地址 - 石硤尾南山邨商場P.77號

-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃

https://www.facebook.com/untold.hk/

-----------------------------------

為情接手 大任行文具

筆者初踏進石硤尾南山邨商場，沒有領展商場熱鬧但冷漠的感覺，反而濃濃的街坊情滿載於老店的每一角落。雖則商場的店舖大多已經閒置下來，沒有再開店營業，但還在經營的店舖全部都有一定的輩份，幫襯的街坊們總會跟東主閒話兩句家常。今次訪問的大任行，隨著南山邨的落成而緊隨開業，舊店主兩年前因為移民已選擇結束這間快將四十年的南山文具店。黃小姐和家人不忍心這間陪著自己成長的老店就此結束，於是立定決心頂下來做，延續這份文具老店情。

親情滿溢

「最主要喺因為唔捨得，我哋一家人都係喺附近長大，有好多珍貴嘅回憶！」 店主黃小姐告訴我們接手大任行的原因。「初初接手，其實無話有咩目標，只係希望有啲野做吓，唔好剩係坐係屋企等接仔女放學。做落之後，最意外嘅驚喜係同屋企人關係更加好啲，我結咗婚之後唔再喺呢區住，依家就可以日日都過嚟見屋企人。」

賣文具 更賣服務

「之前嘅老闆娘都同我哋講過，開呢間舖唔好諗住賺大錢，因為個區已經老化，少咗好多小朋友。」黃小姐清楚知道小店在老區的問題，文具入貨價不能跟外面的連鎖店比較，因此難以用一個更便宜的價錢賣出去。「我哋賣服務囉!」黃小姐笑說。「我哋都試緊轉型，你見到出面擺咗好多唔同嘅摺紙，有利是封、新年全盒、盆栽等等，希望可以利用呢啲手工勞作慢慢咁帶出親子活動嘅概念出嚟。」

學懂節儉

不說不知，原來黃小姐說每天開店都能見到家人的原因是因為黃爸爸和三弟各自都在南山邨商場開店，一家人在此商場佔了三個舖位。黃爸爸的黃明記是南山邨商場的開國功臣，為街坊修理水電、配匙和修遮；三弟則在另一舖位負責維修電腦。「爸爸喺我哋細嗰果陣已經教我哋要節儉，唔好浪費，屋企有咩野壞咗都會先試下修理先。」正因如此，黃小姐經常充當附近學校學生的家長，教導他們要想清楚才決定買哪樣文具。

「我哋呢到可以單買一個乒乓波、羽毛球，甚至是一個信封亦都得。」就是小店，才有這種人性化的靈活體貼服務。

開業歷史 - 1970年代

業務 - 文儀

地址 - 石硤尾南山邨南樂樓202室

電話 - 2777 5037









-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃

https://www.facebook.com/untold.hk/

-----------------------------------