一提到深水埗，大家總是會想到黃金電腦商場。其實，深水埗擁有不同喜好人士愛尋寶的地方，其中大南街就是一眾愛「皮」人士集中地。現時的大南應該是全香港賣皮最集中的地方，筆者星期六到訪，仍然可見到有至少四間皮革店正在營業，阿里皮藝正是其中的一間。大門的落地大玻璃加上外牆型格的設計，與周邊無甚裝修的老店形成強烈的對比，這正是吸引年青人眼球的好方法。
大南街的歷史
店主Alvin原在觀塘工廈教授皮革手作班，當時有不少學員向他反映在香港很難可以買到小量的皮革材料，於是決定在深水埗開舖，地下售賣皮料及皮具製品，而樓上則開設工作坊作教班用途。「以前大南街嘅歷史就喺做皮革材料嘅批發，所以我哋就選擇咗喺呢條街開舖。可惜呢一行已經式微，星期六、日成條街都變得好靜。」就是這樣，Alvin乘著近年這股皮革的熱潮，第一批進駐大南街零售各樣皮藝用品給有興趣的人士選購。
皮革模型店
作為新手，Alvin提議大家可以買「模型包」回家一試。「如果無時間上堂學，不訪買呢啲已經包裝好嘅入門DIY套裝，裡面有齊需要嘅材料和說明書，原理就同砌模型一樣咁簡單。」店主的體貼服務，滿足了都市人繁忙，但很想DIY擁有屬於自己個性化包包的願望。
尊重手工文化
在深水埗開店已經一段時間，Alvin認為香港人不太懂得尊重手工文化。「好多香港人都俾啲品牌洗咗腦，認為名牌產品先喺好，唔識得去appreciate有個性化嘅手作產品。」一個手工製的皮革銀包在你的心中值多少錢？「我說$1,500蚊，嗰客嘅回應就喺，點解你要收咁貴，仲貴過出面某某牌子嘅銀包。但係，你有無諗過其實我喺要用10個鐘先整好嗰銀包俾你。」
阿里的角落擺放著七年前Alvin第一次買皮親手造的一個斜孭袋。「不是太完美吧，當年只係用砌模型嘅方法嵌出嚟，唔係用正宗造皮的方法。」七年後的今天，Alvin能夠把個人的興趣變成事業，堅持不懈地追求完美相信是Alvin成功之道。
業務 - 皮革
地址 - 深水埗大南街236號G/F
電話 -
3791 2217
-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃
-----------------------------------
沒有留言:
張貼留言