2017年4月12日 星期三

堅持傳統 貴記荳品


在網上搜尋「貴記荳品」四字,得出的結果大部份都是在介紹一間已經在2009年結業的土瓜灣平民食店,以擔擔麵、豆品及包點為招牌菜。今次筆者訪問的老店同樣名為「貴記荳品」,同樣是豆品,不過這是位於鴻福街地舖的豆品工場。

歷史的見證

店舖位置一點也不顯眼,得悉此老店全賴頂好粉麵的老闆娘介紹。貴記沒有雅致的裝修,門口所見的已是此店可供售賣的貨品,包括豆腐、豆漿、豆花、腐竹及腐乳。貴記第二代老闆何先生跟我們話當年,「父親喺日本仔打仗之前已經喺上環街市開舖,戰後開喺深水埗界限街,直到60年代搬到呢度,直做到依家。」自家豆品,現在卻只剩下兩人合力經營。「每日都要捱更抵夜,半夜四點已經要開工,屋企無人願意接手做,唯有同母親兩個人做。

對傳統的堅持

雖則辛苦,但當何老闆說起自家豆腐製作過程時,頓時變得眉飛色舞。「人地嘅豆腐喺隔水蒸,我地用明火燒熱鍋頭炒,當然喺比出面賣嘅豆腐香好多,而且更能帶出豆香。」這個時候,筆者當然不會錯過機會繼續請教何老師傅。「滑豆腐用嚟煲湯或者整麻婆豆腐,硬豆腐則可煎可炒,布包豆腐只需要蒸就已經好好味。」

難敵社會變遷

何老闆坦言生意難做,更因為請不到工人,近年已經沒有再接新的交貨批發生意。 「以前本區好多本地人住,生意好好多,依家好多南亞裔人士搬咗喺附近住,唔太識欣賞豆腐。」若非何老闆跟媽媽的堅持,這豆品店可能一早已經成為歷史。更可惜的是,何老闆相信家族的第三代並不會接手經營。落實重建後,傳統的豆品店將只會邁向「拆一間少一間」的步伐。
 

 
開業歷史 - 1960年代
業務 - 豆品
地址 - 土瓜灣鴻福街15號地下
電話 2362 1141

沒有留言:

張貼留言