還記得當天筆者踏進大孖醬料，感覺仿似進入了醬園博物館。醬料種類雖多，卻能井井有序地排列在店舖兩邊的貨架上。碰巧那天到大孖做訪問是農曆新年前的一個週末，客人絡繹不絕，很感謝鄒老闆願意一邊工作，一邊跟我們分享這個「醬園博物館」的故事……
真材實料
鄒榮昌，大孖醬料的第三代傳人。「醬園由阿爺喺廣州創立，嚟咗香港之後就喺新界開廠做豉油。當時阿爺同埋我叔公一齊打理，佢哋係孖兄弟，於是就取名大孖。」門外漢的筆者平時只懂到超市購買醬油，對醬油的製作過程當然是一曉不通，究竟大孖出品的豉油有什麼不同？「我哋做一支豉油需要兩年嘅時間。」你沒有看錯，我亦沒有寫錯，真的是兩年！「我哋用加拿大黃豆及澳洲海鹽，出品嘅豉油全部都係經太陽生曬，喺香港一年只有四個多月有充沛嘅陽光，跟出面行家用機械及太陽燈快速做嘅豉油，鮮味根本無得比。」
真心對待每一位客人
筆者跟鄒老闆傾談的半小時，幾乎未見他有時間停下來，勤力加上健談的他可說是大孖的生招牌。「我記得有一日落好大雨，接到有個婆婆打電話嚟大孖話要買醬，佢話佢喺觀塘附近落左車但就唔識路行過嚟。聽到咁嘅情況，我就叫佢唔好行，問佢要咩，我會送過去。見到婆婆之後，大雨無停過，於是我就截的士送埋婆婆返去慈雲山。」或許，在別人眼中，作為老闆並無須花太多心機在這個只花幾十元買支豉油的婆婆身上。但是，鄒老闆的行為告訴大家用心對待每一位懂得欣賞自己作品的客人是一件值得自豪的事。
大孖的故事令筆者有很深刻的體會。只要用對的方法，即使在現今的社會堅持古法製作，一樣可以做出好的東西。
開業歷史 - 1997年
地址 - 觀塘崇仁街33號地下
電話 – 2342 6378
沒有留言:
張貼留言