今天看到打著「保育」旗號而建的西港城，誰會記起昨天繁盛的花布街呢？利來呢絨行的陳伯二十多歲的時候離鄉別井，到永安街幫他的姑丈打理布行「聯大行」。當初陳伯由打掃抹地和做跑腿做起，到後來繼承布行，擴大至四間分店，到最後只剩下西港城的這一家。能夠與陳伯作一個短短四十分鐘的傾談，讓我們更了解這家見證著時代變遷的老店，以及洋服布料行業的盛衰……
勿忘初衷的經營之道
「做生意其實係很難嘅事，特別要做得長久，絕對唔係一朝一夕嘅事！做生意你一定有三本：第一，你要有本事。你由低層做起，到你依家可以做生意上嘅一買一賣，要有本事先可以學識所有嘢；第二就係你要有本錢，我哋以前做生意需要嘅本錢唔大，借錢講嘅係信用，有信用就可以喺呢行立足；最後就係你要有本心，唔好呃人，咁樣先至可以做得長遠！」
花布街的黃金時代
談及行業的輝煌歲月，陳伯憶述當年最難忘的事，就是他大婚之日，還要提早完成婚宴，晚上和夥計一起回店趕工出貨。「我結婚當晚要七點開頭圍先俾夥計食飯，因為嗰排生意好好，佢哋食飽之後仲要返去廠趕貨，當晚要交貨俾客人。」六、七十年代最興盛的布業，五十年後的今日因為社會需求減低而逐漸息微。「最唔捨得就係以前同我一齊出生入死嘅夥伴。老實講，你俾幾多人工佢哋都心甘命抵咁同你捱，捱大你啲仔女……就算係隔離店都係咁，我哋都係一齊捱大，行業嘅興衰唔同階層嘅同行都經歷過，只不過係我比較好運啫，大家都是咁樣起家。」
今日香港
「香港呢個年代已經無窮人。我嘅年代係用報紙嚟包飯，依家邊度仲有？依家有綜緩，你可以溫飽，大家都可以食個飯盒，唯一嘅分別係佢哋要實報實銷，而我就係自己用銀包錢去買唔使申請，所謂有錢無錢基本上大家過嘅生活無乜唔同，最多係我住嘅地方有啲人覺得可能比較舒適啲。」其實今時今日的香港人，已經算是衣食無憂。陳伯每天工作為的不是金錢，而是對生活態度的一種堅持，上一代努力為下一代而建立的美好生活。
樂天知命 知足常樂
「時代不同嘛，任何時代總有興衰！」陳伯笑說他做人十分樂觀。「點解要樂觀？我依家有兒、有女、有媳、有孫，佢哋都長大成人，安分做好佢地嘅事我唔使擔心就已經好開心喇……」
開業歷史 – 1952年
業務 – 洋服布料
地址 –上環德輔道中323號西港城2
樓8號
電話 – 2544 3917-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃
-----------------------------------
沒有留言:
張貼留言