守護者 公主眼鏡中心

北角皇都戲院的輝煌歷史，相信北角的老街坊無一不知。那些年戲院每晚均座無虛席的場面，對梁華成來說，往事依然歷歷在目。梁華成，公主眼鏡中心的老闆，現時皇都商場「開國功臣」之一。

植根北角

梁老闆的公主眼鏡於1969年在炮台山公主大廈開業，1992年搬入現址皇都商場。「當年我喺中環學師，以前嘅眼鏡片全部都係玻璃做，仲要係全人手剪裁。我學咗幾年師，用爛玻璃每日不停練習，學識剪到唔爛，師傅先會俾一對玻璃片你試下。做咗一段間，覺得有把握，就決定自己開舖一試。」

小店難經營

據梁老闆稱，公主眼鏡的主要客人都是來自區內熟客，他們大部份都已經光顧了數十年。自政府推行長者醫療卷計劃後，公主眼鏡的生意卻有減無增。「醫療卷的本意喺好，老人家可以免費睇醫生及配眼鏡。但係，我哋呢啲小店無能力請到一級註冊視光師，做唔到醫療卷的生意，好多熟客走左去幫襯大型嘅眼鏡連鎖店。」原來，長者只可以光顧那些聘請了註冊名冊第1部分註冊的視光師的眼鏡店方可使用醫療卷。但是，談到驗眼配鏡的功架，筆者不相信擁有50多年豐富經驗的梁老闆會比一些新晉的註冊的視光師差。無可奈何地，政策不貼地而導致「誤殺」良民卻時有發生。

市場真理

開業接近50年，梁老闆收藏了不少懷舊的經典眼鏡框。「有一個熟客佢喺係大陸拍戲，經常都會過嚟睇吓唔同年代興嘅鏡架款式，一買就買20、30個架走。」看著眼鏡時代的變遷，梁老闆道出市場上的真理。「其實啲款無咩大變化，90年代興蛋型，細細隻鏡，依家興番70、80年代嘅大隻鏡粗線條架。只要戴耐咗，搵幾個明星戴吓，到時就會轉款。」

2015年7月，代表新世界發展為首等財團正式展開大規模的收購舊樓行動，成功購入皇都戲院大廈逾兩成業權，並落實向小業主進行收購。對於梁老闆而言，最希望的就是能夠把公主眼鏡緊守至最後被拆卸的一刻，開國功臣才正式光榮地功成身退。

開業歷史 – 1969年

業務 – 眼鏡

地址 – 北角英皇道277號皇都戲院商場

電話 – 2578 1778