作為八十後的筆者，每星期投放於廚房的時間是極少的。「無飯」夫妻的興起，導致我們這一輩人已經甚少購買木製砧板。今次我們訪問的萬記砧板，並沒有因為木製砧板市場的萎縮而衰落。相反地，萬記順應著市場的潮流，發展為廚具的「超級市場」，可說是近年成功轉型的表表者。
廚具應有盡有
萬記源由木屐起家，及後生產及售賣木砧板、木製品及月餅模印，老闆歐先生更獲得「砧板大王」的稱號。今天的萬記賣的產品雖然已經變得多樣化，但不少途人仍然給掛在店外的木砧板及月餅模印吸引著，這些木製品都是代表萬記的生招牌。「由於顧客嘅需求已經唔同咗，我哋依家唔只剩係賣木製嘅產品。膠砧板、膠餅模依家都好受歡迎，因為要符合衛生條例。」萬記的負責人阿姨解釋。
為家族生意付出
「呢到我喺大家嘅阿姨，其實我係特約演員，平時喺I Love Cake幫手。」阿姨笑著跟我們說。老字號的萬記在數年前看準DIY蛋糕的熱潮，於是在萬記旁開了這間專賣蛋糕烘焙工具及食材的I Love Cake，並交由老闆的兒子Mike打理。「我哋每一個家庭成員對於呢個家族生意都有付出，就好似I Love Cake咁，就算年輕嘅一代有興趣去學刨砧板，但係當大家見到一門有潛力嘅生意，大家就會一條心去研究整蛋糕。」
認識木屐
說回萬記最出名的木製品，「好多電影都搵我哋幫手做道具，葉子媚喺《玉蒲團》用嘅木桶，仲有宇宙最強葉問師傅著嘅豬肉屐都係我哋做㗎！」萬記一眾員工跟我們說。「我哋嘅木屐有嘅size唔多，9吋至11吋都有，仲有分三種高度。街市豬肉佬會著最高嗰隻，酒樓師傅多數著中間嘅，屋企老人家沖涼著就著最矮嗰款。」木屐冷知識你識幾多？「仲有呀，老人家過年前都會買番一對新嘅木屐喺新年著，貪佢有聲有氣。」
萬記經歷了三代的經營，看著木屐和木砧板由盛轉衰，再重新出發成功地轉型售賣各式各樣古老及新潮的廚具。面對上海街人口老化及老店逐漸消失的景象，萬記的發展為這條傳統的街道帶來了一點「新」氣。
開業歷史 - 1955年
業務 - 廚具
地址 - 油麻地上海街340-342號地下
電話 - 2332 2784-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃
-----------------------------------
沒有留言:
張貼留言