全手工製唐餅 八仙餅家

香港這個連鎖店林立的都市，能夠找到一間全人手製的中式唐餅餅家是很困難的。若你是居住於深水埗區，對八仙餅家就肯定不會陌生。早於1966年已經開業的八仙，至今仍維持著前舖後工場的格局，所有唐餅都能夠每天準時從後工場出爐，為一眾深水埗街坊服務。

始於1966年

據店主張先生說，八仙餅家源於1966年開業的八仙大茶樓。「當年酒樓喺係長沙灣，後來因為附近起地鐵，生意就差咗，當時嘅老闆就決定結束開咗12年嘅酒樓。我爸爸以前喺酒樓做師傅，因為唔捨得，就決定用八仙呢個名開一間餅店，依家擺喺舖中間嗰茶壺標誌就喺係酒樓搬過嚟。」張老闆憶述店舖名字的由來。

皮蛋酥和雞仔餅

「我哋呢到最出名嘅就係月餅，全人手製造，中秋之前幾個月師傅已經要煮好哂啲蓮蓉準備。」但是，除了月餅外，大家千萬不要忽略了其他全年都供應的唐餅。說到這裡，張老闆已經急不及待為我們介紹八仙的其他主角。「我哋嘅皮蛋酥跟足古化造，其他餅家貪快會用蓮蓉，我哋就用豆蓉，加上紅薑、麻醬幾樣野撈齊哂嚟整咁先叫好味。仲有雞仔餅哩，用油先喺最緊要，我哋用靚嘅花生油同出面用嘅幾蚊斤油整出嚟嘅味道，你一食就得出邊種好味啲啦！」

應邀製造五個大月餅

說到難忘的事，又怎會少了主角月餅的份兒。「上一年新鴻基邀請我哋幫佢地旗下一個商場整咗五個大月餅宣傳中秋節，每個月餅大約25吋x25吋，蓮蓉用咗30斤，師傅無咁上下功夫都搞唔掂呀！」張老闆指出這也是他們第一次製作這麼大型的月餅，在整個構思過程用了很長的時間去計劃。「我哋要做一個鐵嘅底板，方便用嚟放嗰月餅入嗰爐去烘。師傅要先幫手造八仙賣嘅月餅，要抽工餘嘅時間喺工場度整，大家分工合作一齊完成啦！」

全手工製的唐餅，就是告訴你老店對於傳統美味的擇善固執。你除了吃得出新鮮的感覺外，還能細味老師傅打敗機器的自製真功夫。

開業歷史 - 1966年

業務 - 餅店

地址 - 深水埗南昌街197號
電話 - 2729 9440

-----------------------------------
各位喜歡筆為人知的朋友，
請你like & follow我們的Facebook Page，
給筆為人知一點支持和鼓勵。😃

https://www.facebook.com/untold.hk/

-----------------------------------